Aktori i njohur i humorit Olsi Bylyku gjithnjë është treguar tejet i rezervuar kur fliste për jetën e tij personale.
Për muaj të tërë ai ka qenë i lidhur me një bukuroshe brune dhe u deshën disa paparacë që romanca e tij të bëhej publike.
Edhe pasi ata u fotografuan në disa vende bashkë të kapur për dore, prapë se prapë Olsi nuk reagonte duke lënë të nënkuptohej se donte që të mbante “sekret” lidhjen.
Mirëpo lidhja e tyre tashmë nuk është sekret dhe madje vetë aktori publikon herë pas here foto ku shfaqet me të dashurën.
Ditën e sotme ai ka qenë i ftuar në emisionin “Ditë për ditë”, në “Tv Klan”, prej ku është shprehur publikisht se partnerja ka arritur që ta njohë më mirë nga sa ai ka njohur veten. Ata e kanë kaluar marrëdhënien e tyre në një tjetër nivel. Aktori i humorit tashmë bashkëjeton me femrën që i ka vjedhur zemrën dhe mund të themi me bindje se gjërat tashmë po bëhen shumë serioze.
