Pas rritjes së numrit të rasteve me koronavirus në Beograd, autoritetet serbe kanë vendosur të marrin masa të jashtëzakonshme për të parandaluar përhapjen e koronavirusit.
Mediat serbe raportojnë se masat do të zgjasin deri më datë 18 korrik. Ato parashikojnë një mori ndalimesh dhe detyrimesh për bizneset dhe qytetarët.
Raportohet se do të ndalohet aktiviteti i klubeve të natës nga ora 23:00 deri në mëngjes. Ndërsa, qytetarët që janë në ambiente të brendshme duhet të mbajnë maska, pa asnjë përjashtim. Gjithashtu, ata duhet të qëndrojnë 1,5 metra larg njëri-tjetrit.
Qytetarët që do të përdorin transportin publik, do të duhet të mbajnë maska. Ata që do të kapen pa maska do të gjobiten me 5 mijë dinar. Mbledhja në ambiente të mbyllura, në grupe me më shumë se 100 veta do jetë e ndaluar. Ndërsa në vendet e hapura, nuk do të lejohen më shumë se 500 persona në një ambient.
