E martë, 28 Shtator, 2021
17.5 C
Tirana

Serbia, Mali i Zi dhe Shqipëria, në shesh kundër korrupsionit të liderëve të tyre

Nga Matteo Meloni “eastwest.eu”

Kërkesat për një liri më të madhe të shprehjes, dhe akuzat për korrupsion ndaj udhëheqësve, kanë zbritur në rrugë dhe sheshe mbështetësit e opozitës, që po protestojnë ndaj qeverive të Serbisë, Malit të Zi dhe Shqipërisë. Të treja vendet, që po përjetojnë një moment tjetër kritik në historinë e tyre, kanë përjetuar në të kaluarën e afërt luftëra, dhunë midis grupeve të ndryshme etnike, dhe një pavarësi të ripërtërirë.

Në Beograd, Serbi, presidenti Aleksandar Vuçiç është akuzuar nga protestuesit për kontrollin e medias, me Radiotelevizionin Shtetëror serb RTS në shënjestrën e protestuesve. Të shtunën e kaluar një mësymja në ambientet e RTS, çoi në arrestimin nga policia të një duzine protestuesish, të cilët tani po protestojnë pareshtur çdo fundjavë, që nga 8 dhjetori i vitit të kaluar.

Vuçiç është kreu i Partisë Progresive Serbe, një forcë politike nacionaliste dhe konservatore, dhe që mban marrëdhënie të forta me Rusinë. Në fillim të këtij viti, presidenti rus Vladimir Putin vizitoi Beogradin, ku një turmë prej 120 mijë njerëzish e mirëpritën shefin e Kremlinit, në atë që u duke të ishte një forcim i mëtejshëm i aleancës së Serbisë më Rusinë.

Kohët e fundit, Vuçiç e përkujtoi “agresionin e NATO-s 20 vjet më parë, si një krim kundër një vendi Sovran”. “Serbia dhe populli i saj”, vazhdoi Presidenti Serb “edhe sot nuk ndjehen të mposhtur”, duke përsëritur se Beogradi nuk ka ndërmend t’i bashkohet NATO-s.

Vuçiç e nisi karrierën e tij politike si një ultranacionalist, duke u bërë Ministër i Informacionit në qeverinë e Sllobodan Millosheviçit në vitet 1998-2000. Ndërkohë presidenti i Malit të Zi Milo Gjukanoviç, e ka qeverisur vendin e vogël ballkanik që nga vitet 1990, duke alternuar postin që mban aktualisht me atë atë të kryeministrit.

Ai ka qenë drejtues i qeverisë për 4 mandate:nga viti 1991 deri më 1998, nga viti 2003 deri më 2006-ën, në vitet 2008-2010, dhe nga viti 2012 deri më 2016-ën. Me një pasuri personale që vlerësohet në rreth 10 milionë dollarë, dhe disa skandale korruptive që kanë shpërthyer kohët e fundit, demonstratat në Podgoricë – që tani kanë arritur në 5 gjatë javëve të fundit – kundër pushtetarëve malazezë janë organizuar pa ndihmën e opozitës, e cila madje është distancuar nga protestat.

Mali i Zi, është në një kurs përplasjeje me Rusinë, dhe anëtarësimi së fundmi si anëtarja e 29-të e NATO-s në vitin 2017, i ka përkeqësuar më tej raportet. Protestat vazhdojnë edhe në Shqipëri , me ambasadën e SHBA-së dhe delegacionin e Bashkimit Evropian në Tiranë, që kanë kërkuar ruajtjen e qetësisë dhe shmangien e akteve të dhunës.

“Protestat paqësore, janë një shtyllë themelore e demokracisë, por shkatërrimi i pronës publike dhe aktet e dhunës janë kundër ligjit”- thekson në një deklaratë ambasada amerikane në Tiranë. Ndërkohë përfaqësia e BE-së në Shqipëri shpreson përmes një deklarate, që “udhëheqësit e partive të tregojnë përgjegjshmëri, dhe të shmangin degradimin e protestave në akte dhune”.

Kryeministri Edi Rama akuzohet për korrupsion nga protestuesit, me Lulzim Bashën, kreun e Partisë Demokratike të qendrës së djathtë në opozitë, që drejton lëvizjen anti-qeveritare. Mijëra njerëz dolën në rrugë, duke demonstruar para parlamentit shqiptar. Disa protestues të shtunën, ia dolën të kapërcenin barrikadat e policisë, dhe të hynin përkohësisht në oborrin e parlamentit./ Përshtati Tirana Today

- Reklama -

Më shumë nga kategoria




Të fundit

Berisha, nga Ryersoni tek Yuri Kim

Nga: Mentor Kikia Zhvillimet që po ndodhin tani në politikën shqiptare janë më të rëndësishmet që kanë ndodhur që nga vitet 1990-1992. Dhe kanë për...

Bërnabiq: BE nuk po bën asgjë, ose fare pak për situatën në Kosovë

Kryeministrja e Serbisë, Ana Bërnabiq, tha se Bashkimi Evropian, në këtë moment, “nuk po bën asgjë, ose po bën fare pak” në lidhje me...

Dojna Mema i bashkohet ‘Big Brother Vip’, zbulohet pozicioni që i është besuar

“Big Brother Vip” starton në fillim të tetorit. Edhe ky edicion do të drejtohet nga Arbana Osmani. Revista “Vip Magazine” ka zbuluar se Dojna Mema...

Asnjë i dënuar për atentatin tek ‘Komuna e Parisit’, lihen të lirë dajë e nip

Viktor Marku dhe Sebastian Mali, të cilët akuzoheshin për vrasjen e Hekuran Billës, janë liruar nga qelia. Me vendim të Gjykatës, nga ‘arrest me...

“Qeveritë të takohen më shpesh”, akademiku Rexhep Qosja mesazh Ramës dhe Kurtit

Në ceremoninë e vlerësimit nga Edi Rama me titullin “Kordoni i Madh me Yllin e Medaljes”, të zhvilluar në Prishtinë, akademiku i njohur Rexhep...