E diel, 22 Maj, 2022
20.5 C
Tirana

“Serbët doni ju? Mbajini ku*vat!”/ Gaz lotsjellës në koncertin e Goran Bregoviç

Koncerti aq shumë i përfolur i Goran Bregoviç në Korçë, ku për shkak të pjesëmarrjes së tij pati një anulim në masë të këngëtarëve të mirënjohur, nuk ka kaluar pa incidente. Tetë persona janë shoqëruar nga Policia e Korçës, si të dyshuar për hedhjen e gazit lotsjellës në Festën e Birrës, ku po mbante koncert edhe këngëtari serb. “Serbët doni ju? Mbajini ku*vat!”, kanë thënë protestuesit.

Çfarë ndodhi?

Persona të panjohur kanë hedhur gaz lotsjellës në fillim të koncertit, që u organizua nga Bashkia e Korçës. Këngëtari Goran Bregoviç ka hapur koncertin me këngën në gjuhën shqipe “Kosovska” (Kosovarja) të bendit “Bijelo Dugme” dhe e përfundoi me këngën “Kallashnikov”, këngë që cilësohet se “zgjoi nacionalizmin serb”.

Persona ende të paidentifikuar hodhën gaz lotsjellës, e ndërsa pjesëmarrësit u larguan nga koncerti me sy të përlotur, ndërkohë që mësohet se një prej qytetarëve ka përfunduar në spital pasi ka pasur koplikacione me frymëmarrjen.

Korça e blinduar

Korça ishte e blinduar. 200 forca policie të reparteve të ndryshme, ku nuk përjashtoheshin as “Shqiponjat” dhe FNSH-të, rrethuan të gjithë hyrje-daljet e qytetit, po kjo nuk i ndaloi një grup të rinjsh që të futeshin në koncertin me biletën 1 mijë lekë të reja dhe me gaz lotsjellës me vete.

Dështimi i thirrjes për bojkot

Qytetarët e po kështu edhe artistët e shumtë në numër, nga Kosova e Shqipëria bënë thirrje për bojkot. Mesazhi i tyre u përcoll për mijëra ndjekës në rrjetet sociale. Por ata nuk ia dolën dot mbanë.

Ka qënë Bashkia e Korçës ajo që ka thënë se “arti dhe kultura janë ura miqësie që lidhin popujt”, por ura ka përherë dy brigje. Bregoviç është konsideruar si frymëzues e idhull i ushtrisë vrastare serbe gjatë luftës në Kosovë, sidomos me këngën “Kallashnikov”.  Të shumtë kanë qenë emrat e këngëtarëve nga Kosova që ishin të ftuar për të performuar, por pas këtij lajmi, janë detyruar që ta anulojnë.

Mediat serbe: Njerëzit u larguan, një person përfundoi në spital

Mediat serbe kanë reaguar në lidhje me incidentin e djeshëm në koncertin e Goran Bregoviç. “Blic.rs”e cilëson skandal atë se çfarë ndodhi në Korçë. Ata shkruajnë se disa persona u lënduan, një prej tyre përfundoi në spital. Madje gazi solli dhe shpërndarje të turmës. /Tirana Today

- Reklama -

Më shumë nga kategoria




Të fundit

Avokatja e Johnny Depp bëhet personazh në internet

Miliona shikues anembanë globit po ndjekin betejën ligjore midis Johnny Depp dhe Amber Heard, dhe ndërsa drama shpaloset, një yll i ri ka dalë...

Lija e majmunit: Koha për t’u shqetësuar apo për ta injoruar?

Deri më tani, lija e majmunëve ishte mjaft e parashikueshme. Shtëpia natyrore e virusit janë kafshët e egra, të cilat në fakt mendohet se...

Anthony Albanese fiton zgjedhjet, zgjidhet kryeministri i Australisë

Anthony Albanese do të bëhet kryeministri i parë i vendit, nga një prejardhje jo anglo-keltike. Një nga politikanët më jetëgjatë të Australisë, ai thotë se...

A u dekonspirua operacioni i SPAK? Gledis Nano paralajmëron goditjet e radhës

Drejtori i Policisë së Shtetit, Gledis Nano, ka konfirmuar se operacioni i SPAK është ende në proces. Teksa është pyetur nëse operacioni "Plumbi i...

Rusia ndalon furnizimin me gaz në Finlandë

Rusia ka konfirmuar mëngjesin e sotëm se ka ndaluar furnizimin me gaz për Finlandën, përshkallëzimi i fundit i një mosmarrëveshjeje për pagesat e energjisë...