E diel, 13 Qershor, 2021
27 C
Tirana

“Sekuestrohen 30 kamera sigurie”/ Pengmarrja në Kamëz, policia gjen një automjet

Policia deri më tani ka gjetur një automjet të djegur në Shkallnur të Durrësit, që dyshohet se u përdor nga pengmarrësit për Jan Prengën. Kjo ngjarje ka plot mister, e ndërsa pas pengmarrjes të ndodhur në qendër të Kamzës, nuk është arritur që të gjenden autorët e po kështu edhe i rrëmbyeri. “ABC News” ishte në banesën ku jetojnë familjarët e 49-vjeçarit, në zonën e Bathores.

6 minuta pasi Jan Prenga, ose i njohur ndryshe me emrin Jurgen, doli nga banesa e tij në shkollën “100-vjetori i Pavarësisë” në Bathore, u rrëmbye në mënyrë të mistershme nga dy persona të maskuar, në rrugën “London” të Kamzës.

Bëhet me dije se më shumë se 30 kamera sigurie janë sekuestruar nga grupi hetimor, por ende nuk është rënë në gjurmët e të rrëmbyerit. Për herë të fundit u njoftua se gjyrmët ishin lokalizuar në drejtim të Fushë-Krujës, pranë vendit të quajtur Ura e Gjoles.

49-vjeçari prej vitesh ka jetuar në Greqi bashkë me gruan dhe dy vajzat e tij. Ndërkohë Maria, bashkëshorja e Janit, nuk pranon të flasë për mediat.

“Ju e keni bërë punën tuaj. Nuk del më keq se çfarë është bërë më. Mos u bëni merak. Çdo gjë është e pastër. Ju përshëndes”, shprehet bashkëshortja e tij.

Jan Prenga u dhunua para se të merrej peng me një automjet fuoristradë ngjyrë e bardhë tip Range Rover. Burime nga grupi hetimor bëjnë me dije se e njëjta  makinë dyshohet se u gjet e djegur në fshatin Shkallnur të Durrësit, duke bërë që pengmarrësit të humbin gjurmët. Një nga pistat që po heton grupi hetimor është ajo e borxheve të pashlyera. Jan ose Jurgen Prenga dyshohet se ka blerë një automjet, por nuk i ka kthyer një pjesë të parave pronarëve të automjetit.

Lexo edhe :   Vlorë/ Po ndiqej nga policia, automjeti përplaset dhe përmbyset
- Reklama -

Më shumë nga kategoria




Të fundit

Korçë/ U mbyt në rezervuar, 25 vjeçari nga Lushnja i dënuar me ‘arrest shtëpie’

Korçë Në vijim të informacionit paraprak, në lidhje me ngjarjen e ndodhur në rezervuarin e Gjançit, në Korçë, ku mesditën e sotme u konstatua pa...

Papa Françesku: Mesdheu është bërë varreza më e madhe në Evropë

Papa Françesku gjatë lutjeve të së dielës (13 qershor) tha se Mesdheu është bërë një nga "varrezat më të mëdha në Evropë", pasi kujtoi...

Kupa e Amerikës/ Nuk ka vetëm Europian, sot Brazil-Venezuelë, ora 23:00

Kur e gjithë vëmendja e opinionit sportiv është fokusuar tek Euro 2020, sot nis edhe Kupa e Amerikës 2021, me ndeshjen Brazil-Venezuelë (ora 23:00). Kupa...

Euro 2020/ Formacionet zyrtare, Angli-Kroaci gjithçka gati

Ndeshja e parë e ditës së sotme ajo mes Anglisë dhe Kroacisë nis në orën 15:00 dhe kombëtaret kanë publikuar dhe formacionet zyrtare.  

PD/ Voton i fundit nga kandidatët Agron Shehaj, ja fjala e tij për median

I fundit në rradhë nga kandidatët për kreun e Partisë Demokratike që votuan sot ishte Agron Shehaj. Në fjalën e tij pas hedhjes së...