Kohët e fundit ka qarkulluar në media lajmi se Ardit Gjebrea do të paguhet 180 mijë euro për të kënduar në ceremoninë e inaugurimit të stadiumit të ri.
Pas publikimit të këtij lajmi nga media syri.net e gazetarit Çim Peka ka ardhur edhe reagimi i këngëtarit, i cili e ka mohuar këtë gjë. Por duket se Peka nuk e ka lënë me kaq, pasi ka reaguar sërish duke hedhur tjera akuza ndaj Ardit Gjebreas.
Përmes një postimi në Facebook, Peka ironizon këngëtarin duke u shprehur që “të paktën këndojeni himnin për pak euro ose falas siç i kënduat Enverit gjithë jetën. Për hir të falsitetit moral, besoj që deri të mërkurën kur pritet të kalojë pagesa në bankë do jeni bërë “patriotë humanë”.
Reagimi i plotë:
Qenka revoltuar Arditi se nuk qenkan 180 mijë euro por 156 mijë për ceremoninë e hapjes së stadiumit, sigurisht nga Federata dhe Bashkia. Ndërkohë që një Ardit tjetër u mbulua në plehra duke mbledh kanaçet e “Bashkisë”. Unë jam gazetar dhe nuk kam pronar o karnavalet e çdo qeverie. Por nuk e konceptoj se si mund të pretendoj dikush 20 mijë euro për të kënduar himnin kombëtar para ndeshjes me Francën, kur thonë që Kaç Tusha i madh e këndonte free ose me honorar modest. Mund t’i legalizoni apartamentet shtesë pa leje, por nuk mund ta legalizoni moralin o të pangopur e parfumosës të pisëllëqeve të Lalit, Ramës e së fundi dhe Dukës. U njoh ilegalitetet jo vetëm morale. Të paktën këndojeni himnin për pak euro ose falas siç i kënduat Enverit gjithë jetën. Për hir të falsitetit moral, besoj që deri të mërkuren kur pritet të kalojë pagesa në bankë do jeni bërë “patriotë humanë”.