Kryeministri Edi Rama njofton se është nisur drejt SHBA-së, për të siguruar vaksinën anti-COVID. Ai thotë se sigurimi i vaksinës, mbetet prioritet i luftës ndaj pandemisë.
Kreu i qeverisë shqiptare garanton qytetarët, se do të shfrytëzojnë çdo mundësi, që vaksina të vijë sa më parë në Shqipëri.
“Sigurimi i vaksinës sa më parë është një prioritet i luftës sonë kundër Armikut të Padukshëm, dhe s’do lemë gur pa luajtur që vaksina të fillojë të vijë sa më parë në Shqipëri!
Kontakti sy më sy me prodhuesit e vaksinës, i shërben këtij qëllimi. Rrugës për në Shtetet e Bashkuara”, përfundon Rama mesazhin në Twitter.
Sigurimi i vaksinës sa më parë është një prioritet i luftës sonë kundër Armikut të Padukshëm dhe s’do lemë gur pa luajtur që vaksina të fillojë të vijë sa më parë në Shqipëri!Kontakti sy më sy me prodhuesit e vaksinës i shërben këtij qëllimi.
Rrugës për në Shtetet e Bashkuara ✈️
— Edi Rama (@ediramaal) December 5, 2020
Qeveria është angazhuar financiarisht për të qenë pjesë e mekanizmit ndërkombëtar për sigurimin e vaksinës së sigurtë anti COVID.
Më herët, në një takim të organizuar me ekspertë të komitetit në Institutin e Shëndetit Publik, ministrja Manastirliu tha se Shqipëria do të ketë të drejtën të zgjedhë vaksinën më të sigurt, duke u angazhuar financiarisht në një mekanizëm ndërkombëtar.
