Kryeministri Edi Rama ka ndarë me ndjekësit në Facebook një video nga takimi në Ohër, me kryeministrin e Maqedonisë së Veriut, Zoran Zaev dhe Presidentin e Serbisë, Aleksandër Vuçiç.
Gjatë videos shihet qartë se Rama takon dy liderët, dhe njofton se janë të ftuar të gjitha vendet e Ballkanit Perëndimor.
“OHËR – Në takimin e mirëseardhjes së Kryeministrit Zaev në vigjilje të Samitit të Ohrit nesër, ku janë të ftuar të gjitha vendet e Ballkanit Perëndimor si edhe partnerët nga Brukseli, Banka Europiane për Rindërtim e Zhvillim, Banka Botërore dhe Banka Europiane e Investimeve”.
Në takimin informal është diskutuar bashkëpunimi ekonomik, si dhe lëvizja e lirë e mallrave dhe njerëzve në Ballkan.
Samiti po ndiqet nga afër edhe nga Sekretarja e Përgjithshme e Këshillit të Bashkëpunimit Rajonal, Majlinda Bregu.
Në agjendën e këtij takimi do të jetë një mbledhje pune që do të mbahet të dielën.
