Samiti i G20 është mbledhur ditën e sotme për të diskutuar në lidhje me situatën e krijuar nga koronavirusi.
Mediat e huaja raportojnë se gjatë mbledhjes G20 ka vendosur që të japë shumën marramendëse prej 5 trilionë dollarësh për të shpëtuar ekonominë botërore.
Në samitin e mbajtur online morën pjesë krerët e superfuqive botërore, që nga Presidenti i SHBA, Donald Trump, deri tek ai i Rusisë, Vladimir Putin.
Videokonferenca u kryesua nga Mbreti Saudit Salman, i cili është i përfshirë në një luftë çmimesh në tregun e energjisë me Rusinë, pasi të dyja palët nuk arritën marrëveshje për shkurtimet e prodhimit.
“Ndërsa bota përballet me pandeminë COVID-19 dhe sfidat ndaj sistemeve të kujdesit shëndetësor dhe ekonomisë globale, ne thërrasim këtë samit të jashtëzakonshëm të G20-ës për të bashkuar përpjekjet drejt një reagimi global”, tha mbreti saudit
