Shqipëria

Samir Mane dhuron 1.2 milion euro për të prekurit nga tërmeti


               Publikuar në : 10:44 - 29/11/19 M D

Biznesmeni shqiptar Samir Mane ka vendosur të dhurojë 1.2 milion euro për të prekurit nga tërmeti.

“Bordi Drejtues i Grupit Balfin nën kujdesin e veçantë të Presidentit Samir Mane, dhe kompanitë përkatëse të Grupit vendosën sot që të akordojnë shumën prej 1.2 milion eurosh për të dëmtuarit nga tërmeti në Shqipëri.

Përveç kësaj shume të akorduar, kompanitë e Grupit Balfin, si Spar, Neptun, Jumbo, etj, jo vetëm të Shqipërisë, por edhe të Kosovës, Maqedonisë, Bosnjes, e kështu me radhë, që në ditën e parë, i kanë qëndruar pranë banorëve të pastrehë, duke u ardhur në ndihmë me mjetet e nevojshme dhe bazën ushqimore. Grupi Balfin bën të ditur se ndihmat e Grupit do të vijojnë çdo ditë”, thuhet në njoftimin e bërë publik.

Kujtojmë se tërmeti me magnitudë 6.4 ballë që goditi Shqipërinë mëngjesin e 26 nëntorit ishte shkatërrues. Si pasojë e tij fatkeqësisht kanë ndërruar jetë 50 persona.

Kthehu
WhatsApp Denonco ne TT