Ambasadori i Bashkimit Evropian në Tiranë, Luigi Soreca, ka zhvilluar një takim me kryetaren e Këshillit të Lartë Gjyqësor, Naureda Llagami, nëpërmjet të cilës është njohur me punën e thellë të KLGJ-së.
Nëpërmjet një postimi në Twitter, kryediplomati i BE-së deklaron se është informuar edhe rreth ngritjes së Gjykatës së Lartë, e cila thekson ai është gjëja me shumë rëndësi të jetë sa më shpejt funksionale.
Postimi i plotë:
Kryetarja e KLGJ, Naureda Llagami, më njohu sot me punën e thellë të Këshillit, në veçanti për hapjen e vendeve të lira të punës për Gjykatën e Lartë, për të cilën aktet rregullatorë tani janë në fuqi. Është e rëndësishme që së shpejti të kemi një Gjykatë të Lartë funksionale, por edhe të balancuar në shpejtësinë dhe cilësinë e punës.