Në repartin e Infektivit në ISHP aktualisht ka 3 aparatura të cilat janë në dispozicion për analizat e koronavirusit.
“Janë dy pajisje të cilat kanë teknologji kimike. Kanë një teknologji të zbulimit të genomës virale apo dhe genomës bakteriale. Janë dy pajisje të cilat shërbejnë për diagnozën e disa nga patogenëve të cilët analizohen në laboratorin tonë, duke përfshirë dhe koronavirusin e ri”, tha specialistja për “opinion.al”.
Silvia Bino: “Ky laboratori këtu lart është një laborator i cili përdoret për hepatitet dhe për HIV. Por në raste që ne do kemi më tepër mostra, pra mbi 500-1000 mostra, atëherë ne do të vëmë në shfrytëzim këtë laboratorin tjetër, i cili bën një numër më të kufizuar analizash dhe natyrisht sëmundjet respiratore janë ato që përhapen më shpejt. Prandaj dhe ky laborator do të vihet në funksion të epidemisë”.
