Ditën e djeshme, mediat ndërkombëtare raportuan se raketa ruse goditën një treg të populluar nga rebelë në rajonin e Idli-it në Siri, ku mbetën të vdekur të paktën 17 persona, ndërmjet tyre dhe civilë.
Ditën e sotme, ka reaguar Komisionerja e Lartë për të Drejtat e Njeriut e OKB-së, Michelle Bachelet. Ajo bëri thirrje për ndalimin e veprimeve ushtarake në këtë rajon dhe të respektohet armëpushimi. Ajo ka thënë që në rast mosrespektimi të paktit, OKB-ja do të marrë masa.
Kujtojmë që Turqia dhe Rusia, u pajtuan për një armëpushim në rajonin e banuar nga rreth 3 milionë njerëz. Ankaraja zyrtare mbështet rebelët sirianë, të cilët luftojnë për të mposhtur presidentin sirian, Bashar al –Asad, i përkrahur nga Rusia.
Dëshmitarët dhe burime nga ana e kryengritësve thanë se aeroplanët rusë dhe ata të forcave të Asadit, kanë ndërmarrë sulme të reja në provincë, shkruan Rel.
“Është thellësisht shqetësuese që civilët vriten çdo ditë përmes sulmeve me raketa, si nga ajri ashtu edhe nga toka”, tha Bachelet, përmes një deklarate.
