Nuk janë të paktat rastet kur Kujtim Gjuzi është kritikuar për veshjen e tij. Gramoz Ruçi shpesh ia ka vënë në dukje kur ai shfaqet i pa kuruar në Kuvend, por Gjuzi duket se nuk ka reflektuar.
Ai është shfaqur në seancën e sotme në Parlament me një kollare të pa hekurosur dhe me njolla. Po kështu këmisha me rrudha dhe flokët e pakrehur. Kujtim Gjuzi në Parlament ka thënë se ka dalë vetë në terren, për të monitoruar zbatimin e ligjit anti-duhan.
“Ilir Beqja e vendosi rregullin dhe bëri shumë mirë, por e vendosi rregullin që të na vij një rregull tjetër dhe të mësojmë një variant tjetër japonez të pirjes së duhanit!
Në fakt nëse keni vënë re gjatë këtyre 10-15 ditëve, sapo kam marrë në dorë projektin e zotit Beqja, kam dalë siç e keni parë në baret e ditës dhe natës për të parë çfarë ndodh. Pihet duhan.
Pihet duhan se nuk është ministri i Brendshëm këtu, se disa komisarë të korruptuar vendosin disa gjoba. Me makina para bareve thoshin, doni me pi duhan? Po! Na jep ndonjë lek neve. Po s’ishin pak, 500 euro për bar. Tani ata komisarët me këshillimin e ministrit, nuk i shoh më. Vazhdoj t’i ndjek hap pas hapi”, tha Kujtim Gjuzi.
Më herët, ka qenë vetë kreu i Kuvendit, Gramoz Ruçi, i cili e ka kritikuar për veshjet aspak etike në Kuvend.
