“Rritje e rasteve”/ Manastirliu zbulon vendimin për masat shtrënguese

Ministrja e Shëndetësisë, Ogerta Manastirliu, gjatë një deklarate për shtyp së bashku me Komitetin Teknik të Ekspertëve u shpreh se masat anti- COVID në vendin tonë do të qëndrojnë të njëjta.

Ajo tha se gjatë 14 ditëve të fundit, ka patur fluks të të infektuarve. Sa i takon numrit të pacientëve të shtruar, ministrja citoi se janë ballafaquar me një rritje të rasteve.

Duke analizuar situatën, Manastirliu shtoi se rritja është e qëndrueshme dhe jo alarmante. Po kështu nënvizoi se masat do vazhdojnë të jenë të njëjtat.

“Përsa i përket situatës epidemiologjike, Komiteti duke ndjekur situatën mbi baza ditore e javore ka vlerësuar një rritje të incidencës 2 javore që ka pësuar rritje në 14 ditët e fundit. Një rritje që është 217 raste të reja për 100 mijë banorë nga 2-15 janar.

Kemi një rritje të numrave të rasteve në Bashki, duke u rritur numri i Bashkive që ka raste të reja nga 44 në 50 Bashki me një mesatare të përjavshme prej rasteve të cilat vlerësohen që kanë numra të rritura.

Përsa i përket numrit të pacientëve të shtruar, ballafaqohemi me një rritje të rasteve. Rritja është e qëndrueshme, nuk është alarmante. Është një situatë që tregon se duhet të kemi kujdes të shtuar dhe rritje të vigjilencës.

Numrat të pacientëve të shtruar në spital ka pësuar rritje me një mesatare prej 273 shtrimesh në 14 ditë. Në radhët e terapisë intensive ka pësuar një rritje. Duke bërë një vlerësim të pozitivitetit në raport me testimet, në të gjithë vendin vijon testimi në komunitet për të izoluar çdo rast në kohën e duhur.

Lexo edhe :   Manastirliu jep shifrat: 192 mijë qytetarë kanë marrë dhe dozën e dytë

Rritja e numrit të testimit, përmes testimit të shpejtë, vlerësohet një rritje e qëndrueshme e pozitivitetit. Kjo kërkon që qytetarët të bëjnë kujdes. Efekti i rritjes së qëndrueshme vjen dhe si efekt i festave të fundvitit nga mbledhjet familjare gjatë kësaj periudhe. Do vijojmë të kemi në zbatim masat që tashmë janë dhe që kanë dhënë impakt dhe që ka dhënë efekt”.