Kryetari i Transportit Kombëtar Interurban, Kujtim Mema është shprehur se nëse do punojnë me gjysmë kapaciteti do të ketë një rritje të çmimit të biletës.
I ftuar në emisionin “Shqipëria Live”, Mema tha se sektori i shërbimit të transportit publik është më i prekuri nga pandemia.
Një arsye tjetër se pse kërkohet rritja e çmimit të biletës, sipas Memës, është edhe çmimi i lartë i naftës.
Ndaj ai sugjeron që shteti t’ia mundësojë edhe këtij shërbimi naftën me gjysmë çmimi, një praktikë që ndiqet edhe në sektorin e bujqësisë dhe peshkimit.
Mema thekson se çmimi i transportit ndërqytetas është i njëjti me atë të vitit 1998 dhe që nga ajo kohë nuk ka pasur ndryshime. Sipas tij, vendet e tjera të rajonit këtë shërbim e ofrojnë me kosto shumë më të lartë se e jona.
Ai bëri me dije se ky shërbim do të hapet më datë 1 qershor.
“Ky nuk është një propozim që do të zbatojmë 100 %, por në varësi të gjendjes. Një biletë e tillë me kapacitet gjysmë nuk mund të shkohet në një linjë. Është një situatë e tillë, ne e e kmi të vështirë për të përballuar me kapacitet gjysmë dhe me çmimin e njëjtë, ndaj do ta bëjmë këtë shtim. Ky çmim është që në 98-tën. Tiranë-Vlorë është 5 mijë lekë të vjetra. Që nga ajo kohë e deri më tani nafta është rritur. Që më datën 9 mars dhe deri më sot nuk kemi punuar. Ne do të hapemi në 1 qershor. Vështirësia është e madhe për ne, për të vijuar një linjë të tillë me aq kapacitet. Një kapacitet i tillë, do të jetë i mundshëm vetëm për naftë dhe pagën e shoferit. DPSHTRR na fali taksat. Kompania e sigurimeve duhet të japë ndihmesën e vet për këto muaj. Shteti mund të na japi naftën me një çmim të ulët si, peshkimit dhe bujqësisë. Ky qe një mendim i joni për të treguar ne propozimet tona dhe vështirësitë që ne kemi. Ndryshe nga urbani, shërbimi ndërqytetas ka një mënyrë pune ndryshe. Një person ka mjetin e vet dhe me atë ushqehet. Ne jemi më në vështirësi nga të gjithë të tjerat. Ne ndryshe nga urbani na ka mposhtur dhe informaliteti. Ne kemi 20 vite që e themi këtë informalitetin. Ne duhem ndihmën e shtetit, nuk e dimë sa do të zgjasë. Transporti ndërqytetas ka vështirësitë e saj, vera është para dhe transporti ndërqytetas është më i ulët në verë. Puna e shërbimit ndërqytetas në shtator i rikthehet normalitetit. Megjithatë ne duke pasur muajt e tjerë të vitit, korrikun e gushtin, e përballojmë. Nuk e dimë si do ta përballojmë, por jemi pranë faktit. Ne kemi qenë shumë të mirë që kemi mbijetuar me këtë çmim akoma. Vendet e Ballkanit kanë kosto shumë herë më të lartë”, tha ai.
