Mjeku infeksionist Pëllumb Pipero ka qenë në një lidhje direkte për “Byro Politike”, për të folur lidhur me situatën me COVID-19 në vendin tonë. Por gjatë bisedës, ai u përball me një moment të sikletshëm. Teksa po bëhej gati të fliste për sëmundjet kronike që shfaqin më shumë rrezikshmëri, Pipero nisi të kollitej. “Një minutë të pi pak ujë”, u shpreh ai.
Gazetarja mori situatën në dorë, ndërsa i dha kohën e duhur për tu stabilizuar. Frika është tejet e madhe, ndërsa tashmë koronavirusi po përhapet me shpejtësi edhe në vendin tonë, duke shënuar 6 vdekje.
“Shpresoj të jeni mirë me shëndet! Është shumë e rëndësishme kjo, i duheni të gjithëve, ju dhe gjithë kolegët normalisht”, tha gazetarja e emisionit. Pipero kërkoi ndjesë për kollitjen, duke u shprehur se ishte e papritur.
“Më falni, por ishte e papritur”, tha ai. Më pas, gjatë bisedës, mjeku sqaroi se nuk ishte për t’u shqetësuar. “Ndjesë për kollën që më zuri në atë moment. Por nuk është kollë nga ajo sëmundje, kështu rrini të qetë”, u shpreh Pipero.
