Ish-shefi i Shtabit të Përgjithshëm të Forcave të Armatosura, Xhemal Gjunkshi i ftuar në ‘Fax News’, teksa po fliste për situatën në Dibër, deklaroi se atë qytet e drejton vetëm një person, duke theksuar se as Kryeministri Rama nuk pyetet në këtë qark përpara Ymer Lalës.
Gjunkshi, shprehet se duhet bërë çdo gjë për të rrëzuar këtë qeveri, pasi sipas tij kryeministri Rama është i gatshëm të bëj çdo lloj pazari, vetëm e vetëm për të ruajtur pushtetin.
Është një person që bën ligjin në Dibër, quhet Ymer Lala dhe drejton gjithçka, është një ministre e Mbrojtjes Olta Xhaçka që rri me orë të tëra me të në hotel dhe i tthërrisnin drejtorët një nga një lart. Nuk ka Parti Socialiste, më vjen keq. Edhe socialistët e ndershëm të Dibrës e dinë shumë mirë. Për çfarë mund të shkojmë ne në zgjedhje. Këtij kryeministri i duhet thënë stop, sepse është në gjendje të bëjë çdo lloj pazari në interes të ruajtjes së pushtetit.
Janë bërë ndryshime në Polici, pse nuk u ndryshuan në në këtë qytet. Janë prej 5 vitesh të njëjtën që e mbollën drogën, e shitën atë dhe bëjnë ligjin. Sot në Dibër nuk drejton Edi Rama, atje ligjin e bën Ymer Lala, kontrollon policinë, gjykatën prokurorinë, askush nuk e pyet Ramën në Dibër”.
