Policia italiane gjatë një operacioni mëngjesin e sotëm ka shkatërruar dy banda shqiptare me aktivitet të paligjshëm në trafikun e prostitucionit e të lëndëve narkotike.
Sipas autoriteteve këto banda fitonin rreth 180 mijë euro në muaj nga aktiviteti i paligjshëm i drogës dhe prostitucionit dhe një vit më parë janë përplasur me armë zjarri mes tyre.
Në pranga kanë rënë dy anëtarë të bandës, ndërkohë që në operacion kanë marrë pjesë 50 forca të policisë. Hetimet kanë zbardhur se ata shfrytëzonin për prostitucion rreth 20 vajza nga Europa Lindore. Pa leje të rregullt qëndrimi e me një biznes përfitimi prej 180 mijë euro në muaj.
Raportohet se dy grupet shqiptare ishin në rivalitet mes tyre, gjë që ka çuar në një konflikt me armë zjarri i verifikuar më 5 prill 2018. Ndërkohë priten të dalin detaje nga ky operacion policor.
