Kanë mbërritur në aeroportin e Rinasit 40,800 vaksina të tjerë të Astra Zeneca nëpërmjet programit COVAX. Lajmin e ka bërë të ditur kryeministri Edi Rama, përmes një postimi në rrjetet sociale.
Kreu i qeverisë bëri me dije se deri më tani në vendin tonë kanë mbërritur rreth 900 mijë vaksin anti-co*id, dhe shtoi se mbetet i vendosur për të çuar deri në fund planin kombëtar të vaksinimit.
”Aeroporti “Nënë Tereza” – 40,800 vaksina AstraZeneca, pjesë e financimit të qeverisë shqiptare, nëpërmjet instrumentit COVAX sapo kanë mbërritur në Tiranë. Me 899,550 vaksinat AntiCovid që kanë mbërritur deri tani në Shqipëri dhe sasitë e tjera të vaksinave që do të vijnë sipas kalendarit të kontratave që kemi siguruar, jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari’’, shkruan Rama në rrjetin social, Facebook.
