Katër vende të Grupit të Vishegradit; Hungaria, Polonia, Republika Çeke dhe Sllovakia, por edhe Austria, i dërguan një “non-papers” të ri udhëheqjes së Bashkimit Evropian.
Ky dokument informal ka të bëjë me Ballkanin Perëndimor dhe nuk merret me çështjen e kufijve në rajon, por kërkon nga Bashkimi Evropian një mbështetje shumë të rëndësishme për të gjithë rajonin, shkruan B92.
Ministrat e jashtëm të pesë vendeve anëtare të BE-së po kërkojnë që shtetet dhe qytetarët e Ballkanit Perëndimor të përfshihen në bisedimet zyrtare për të ardhmen e Bashkimit Evropian.
Ata besojnë se vendet e këtij rajoni duhet të kenë të drejtën dhe mundësinë për të shprehur pikëpamjet e tyre për të ardhmen e Bashkimit Evropian, duke pasur parasysh se ata kanë një perspektivë shumë të qartë të anëtarësimit në union.
Mësohet se është deklaruar me shumë saktësi se Ballkani Perëndimor duhet të jetë pjesë e iniciativës së Konferencës për të Ardhmen e BE-së, e cila u nis brenda këtij blloku.
Ministrja e Punëve të Jashtme të Bosnje-Hercegovinës, Dr. Bisera Turkoviç, konfirmoi këtë informacion, duke thënë se ajo ishte në dijeni të këtij dokumenti, të cilin ajo e konsideron një iniciativë jashtëzakonisht të rëndësishme që duhet mirëpritur.
Nisma do t’i drejtohet udhëheqjes së Bashkimit Evropian, përfshirë Komisionin Evropian dhe Komisionerit të Zgjerimit, Oliver Varhelji.
