Një nga ikonat e Partisë Socialiste, Arta Dade, ka dënuar ashpër 30 qershorin, ndërsa ka shprehur keqardhje sesi kjo forcë po dirigjohet nga kryeministri Rama.
Në një përgjigje mbi komentet sot në një shkëmbim opinionesh në Këshillin e Ambasadorëve, Arta Dade shkruan se Rama dhe grupimi i tij i Rilindjes solli në PS vese e praktika të cilat kjo parti nuk i ka patur të vetat. Duke i dhënë ‘shuplakën’ e radhës Ramës, ajo është e mendimit se socialistët e sakrificës, nuk kanë lidhje me të.
“Ndjehem mirë personalisht që i kam kërkuar të largohet. Keqardhje për një forcë politike, që ka pranuar të ulë zverkun nën këmbën e Edi Ramës e të Rilindjes që sollën në PS vese e praktika, nga të cilat ne bënim kujdes të mbroheshim ndaj kundërshtarit.
Ata që janë konformuar me të në një shkallë më të vogël, kanë ngritur nepotizmin në sistem, kanë pranuar eliminimin e garës në parti, kanë heshtur për interesat e tyre meskine.
Socialistët e sakrificës nuk kanë lidhje me asgjë që trupëzohet tek Edi Rama”, shkruan Dade.
