Presidenti Ilir Meta zbuloi më herët ditën e sotme, se një nga çështjet e diskutuara në mbledhjen e Këshillit të Sigurisë, ishte edhe ajo për rikthimin e shqiptarëve që mund të kenë mbetur jashtë kufijve në këto kohë.
Në një intervistë për “Real Story” në News24, Meta deklaroi se ne ditët në vijim do të jetë gati një plan publik në lidhje me këtë situatë.
Kreu i shtetit theksoi se për të gjithë shqiptarët që kthehen nga jashtë, do të ndiqen procedura të ndryshme për një karantinim sa më të sigurt.
“Ka vende që shtetasit nuk të lejojnë pa bërë testimet e tyre. Ne do të sigurojmë që karantinim të sigurt për ta. Ky është proces kompleks. Ku me shtetasit në Angli do të veprohet ndryshe. Me ata në Itali, procedura të ndryshme. Shumë shpejt, në ditët që vijnë do të ketë një plan publik që të përballojmë këtë situatë në mënyrë të mirë. Ne do bëjmë gjithçka si shtet me këtë operacion.
Me sukses dhe sa më shpejt. Në ditët që vijnë do të kemi komunikime të tjera dhe deri atëherë të gjithë qytetarët tanë të jenë në kontakt me ambasadat. Ky është shqetësim madhor për mua si president i vendit. Pasi jam më i qetë me gjerat e tjera. Kjo është një çështje që merre një prioritet të veçantë, deri në kthimin e qytetarit të fundit shqiptar që dëshiron të kthehet në vendin e tij”, tha ai.