Deputeti i opozitës parlamentare, Ralf Gjoni, ka folur mbi gjendjen e tij shëndetësore, pasi rezultoi pozitiv me koronavirus.
Në një intervistë për rubrikën “Opinion” në News24, Gjoni thotë se dyshon se mund të jetë infektuar në fillim të javës së kaluar.
Deputeti tregon se simptomat e para iu shfaqën të premten dhe të shtunën. Sipas tij, përveç lodhjes dhe ikjes së nuhatjes, nuk ka shfaqur asnjë simptomë tjetër.
“Jam diku nga dita 6-7 e infektimit. Jam ok, ndjej një lodhje tipike. Përveç ikjes së nuhatjes nuk kam tjetër shenjë klinike. Shpresoj ta kaloj.
Mendoj se jam infektuar diku nga fillimi i javës së kaluar. Dhe shenjat e para mi dha diku nga e premtja e shtuna. Të shtunën u shtyva për të bërë testin. Është një grip i keq. Tani mamaja ime më njofton që ka rezultuar negative me COVID-19”, tha ai.
