Aktualitet

“Rezultate konkrete”/ Kryeprokurori Çela bën premtimin  e parë në detyrën e re


               Publikuar në : 12:50 - 07/12/19 M P

Vetëm 24 orë pasi ka nisur detyrën e re, Olsian Çela, Prokurori i Përgjithshëm i sapozgjedhur, ka zbritur në terren. Ai sot ka qenë në Durrës, ku ka parë nga afër pasojat që ka lënë pas tërmeti i datës 26 nëntor.

Pasi ka inspektuar disa prej ndërtesave Çela ka bërë edhe premtimin e parë si kryeprokuror. Në një prononcim për mediat ai ka deklaruar se shumë shpejt hetimet e nisura pas tërmetit do të japin rezultate konkrete.

24 orë pasi mori detyrën, Olsian Çela nis ‘furishëm’ punën

“Vizita në Durrës, vjen pas hetimeve të nisura për tërmetin. Do të ofrojmë mbështetje maksimale për prokurorinë e Durrësit, puna e bërë deri tani është e mirë, prokurorët janë të motivuar dhe shumë shpejt do të kemi rezultate konkrete nga hetimet.

Është ngritur një grup i posaçëm hetimor, të cilët po nxjerrin në pah edhe probleme të legjislacionit. Shkelësit e ligjit do mbajnë përgjegjësi, qofshin zyrtarë apo ndërtues do të mbajnë përgjegjësi.”- u shpreh Çela

Kujtojmë se Prokuroria ka nisur hetimet pak ditë pas tërmetit, në Durrës, Tiranë dhe Thumanë. Sipas njoftimeve zyrtare, pjesë e hetimeve të cilat kanë nisur për veprat penale “Shpërdorim Detyre”, “Ndërtim pa leje” dhe “Dhënia e ndihmës për ndërtim pa leje”, janë lejet e ndërtimit të lëshuara nga autoritetet vendore, zbatimi i tyre nga ndërtuesit, si dhe rastet e ndërtimeve abuzive dhe mungesa e ndërhyrjes së autoriteteve përgjegjëse.

Kthehu
WhatsApp Denonco ne TT