Rreth 15 hektarë tokë bujqësore janë përmbytur pasditen e sotme në qytetin e Fierit.
Si pasojë e reshjeve të shiut, zonat më të prekura janë disa sera në Patos dhe Zharrëz, ku ndodhet edhe një pulari me mbi 15 mijë pula.
Ndërkohë, Bashkia e Patosit ka ngritur edhe Grupin e Emergjencave Civile për të marrë masat e nevojshme për përballimin e situatës së krijuar.
Reshjet intensive kanë shkaktuar edhe bllokimin e rrugës Fier-Ballsh, ku momentalisht është devijuar trafiku.
