Mot me vranësira dhe reshje shiu do të mbizotërojë në vendin tonë, kryesisht në zonat veriore, ndërkohë që temperaturat pas mesditës do të shënojnë rënie.
Sipas MeteoAlb, një sistem i dendur vranësirash që ka përfshirë vendin tonë, duke filluar nga orët e para të ditës do të sjellë reshje me intensitet të ulët dhe herë pas here me intensitet mesatar.
Parashikohet që reshjet të jenë më të dukshme në zonët veriore, ku në intervale të shkurtra në zona të izoluar do të ketë dhe reshje intensive. Por pas mesditës dhe kryesisht mbrëmja, sjellin përmirësim gradual të kushteve të motit.
Temperaturat e ajrit do të rriten lehtë në mëngjes, por ulen ndjeshëm në mesditë duke luhatur vlerat ditore nga 5°C deri në 22°C.
