Ministri Jashtëm i Shqipërisë, Genc Cakaj ka treguar qëndrimin e tij publikisht mbi refuzimin e Kosovës në Unesco.
Në fjalën e tij, ai ka treguar rëndësinë e anëtarësimit të Kosovës në këtë institucion si dhe ka vënë në dukje fushatat disinformuese që Sërbia organizon. Ai e ka quajtur një gabim historik refuzimin e Kosovës.
Statusi i Plotë:
“Refuzimi i aplikimit për në UNESCO, gabim historik”, Cakaj: Mbledhja do ishte më e plotë me Kosovën
Sot në Paris u mbajt sesioni i 40-të i Konferencës së Përgjithshme së Organizatës për Edukim, Shkencë dhe Kulturë e Kombeve të Bashkuara.
Në diskutim nënvizuam veçanërisht rëndësinë e edukimit dhe trashëgimisë kulturore e historike në zhvillimin e shoqërive të hapura dhe prosperuese. Theksuam përkushtimin e plotë dhe arritjet e pamohueshme të Shqipërisë në këtë drejtim!
Natyrisht, nënvizuam domosdoshmërinë e patjetërsueshme të anëtarësimit të Republikës së Kosovës në UNESCO! Denoncuam fushatën dezinformuese të Serbisë ndaj Kosovës dhe e bëmë të qartë edhe njëherë: Shqipëria do të vazhdojë punën e pakursyer për anëtarësimin e Republikës së Kosovës në UNESCO.
