3 deputetë të opozitës parlamentare kanë dalë pro marrëveshjes së Reformës Zgjedhore.
Lajmin e ka konfirmuar sot para mediave, Artur Roshi.
Ky i fundit është shprehur se do të jenë pro marrëveshjes si parti, jo se morën atë që deshën, por sepse nuk duan që të pengojnë integrimin e Shqipërisë.
Ndër të tjera, Roshi u shpreh:
“Duke parë situatën politike parazgjedhore, gjykojmë se marrëveshja e dy partive, PS-PD, është një marrëveshje që në sfond ka një ngurtësi që nga eksperienca që kemi, mund të shërbejë si burim konflikti për shqiptarët.
Marrëveshja është e përshëndetur nga Departamenti Amerikan i Shtetit, edhe nga gjermanët. Do të jemi pro kësaj marrëveshje”.
Po ashtu, para mediave folën edhe Fatjona Dhimitri e Besnik Troplini të cilët deklaruan votën pro miratimit pa ndryshime të marrëveshjes së 5 qershorit.
