Kryeministri Edi Rama është takuar me Kryetaren e Kuvendit të Kosovës, Vjosa Osmani.
Në takim ka qenë i pranishëm edhe ministri në detyrë për Evropën dhe Punët e Jashtme Gent Cakaj.
Në orën 17:00, Rama pritet të takojë edhe kryetarin e VV-së Albin Kurtin.
Ndërsa në orën 18:50 ai do takohet me Presidentin e Kosovës, Hashim Thaçi.
Kujtojmë se pak më herët, përmes një postimi në rrjetin social Twitter, kreu i qeverisë, tregoi arsyen e vizitës 2-ditore në Kosovë:
“Në Prishtinë për të dëgjuar dhe mësuar më shumë pas fletë-rrufesë speciale që do të hyjë si njollë turpi e shekullit XXI në historinë botërore të drejtësisë, e cila praktikën e akuzës publike pa aktakuzë juridike e ka njohur veç në epokat e sundimeve ideologjike a para tyre”.
🇦🇱🇽🇰NË PRISHTINË PËR TË DËGJUAR DHE MËSUAR MË SHUMË PAS FLETË-RRUFESË SPECIALE QË DO TË HYJË SI NJOLLË TURPI E SHEKULLIT XXI NË HISTORINË BOTËRORE TË DREJTËSISË,E CILA PRAKTIKËN E AKUZËS PUBLIKE PA AKTAKUZË JURIDIKE E KA NJOHUR VEÇ NË EPOKAT E SUNDIMEVE IDEOLOGJIKE A PARA TYRE!
— Edi Rama (@ediramaal) June 29, 2020
