Rama sulmon Metën: Bën fushatë skutave në Vlorë me subjektet e OFL-së

Kryeministri Edi Rama, nuk i ka ndalur sulmet ndaj Presidentit të Republikës, Ilir Meta, edhe nga takimi i sotëm elektoral me strukturat e PS-së në Sarandë.

Sipas tij, Kreu i Shteti po zhvillon fushatën skutave me subjektet e OFL-së, madje premton se do të nxjerrë njerëz nga burgu.

Ndër të tjera, Rama e konsideroi koalicionin opozitar si një kope hienash.

Edi Rama: ”Saliu dhe partia e tij me një kryetar është një kukull. Një kukull që kurdiset dhe nga Ilir Meta që fatkeqësisht është Presidenti i vendit. Që siç tha Damiani ka vendosur informalisht kandidaturën në Vlorë, ka vendosur kandidaturën dhe e zhvillon fushatën skutave me subjektet e OFL-së, premton lart e poshtë se do tu nxjerrë njerëzit nga burgu atyre që cilëve u kërkon mbështetje. Mbledh këtu bashkë me atë Leskon që është fuçia e rakisë dhe fatkeqësia e madhe që i ka rënë Vlorës, dhe prokurorë e gjykatës që i ka goditur Vettingu. Janë mbledhur dhe ecin si një kope hienash dhe futen zgëqeve.”