Kreu i qeverisë Edi Rama postoi një video në Instagram, ku dukej pamja magjepse nga Valbona e mbuluar nga dëbora. Ajo çfarë tërhoqi vemendjen nuk kishte të bënte me këtë pamje përrallore, por kënga e cila dëgjohej në sfond. Kaq mjaftoi që të aludohej se Rama ishte një fans i zjarrtë i Fifit, e cila e krijoi këtë këngë gjatë qëndrimit të saj në “Big Brother VIP”.
Pas këtij postimi të kryeministrit, fansat i kanë lënë komente apo mesazhe të shumta kantautorit të njohur, Flori Mumajesi. Ky i fundit ka vendosur që të reagojë duke ripostuar në “Instagram”-in e tij postimin e Ramës. Ai ka paralajmëruar se do të bllokojë të gjithë ata që shpërthejnë në komente pa lidhje në profilin e tij.
“Bllok e ka kush fillon e shpërthen në komente pa lidhje në profilin tim ! Besoj do e kem mirëkuptimin tuaj. Këtu nuk jemi në forume politike të asnjë partie dhe të asnjë programi televiziv. Shijoni pamjen dhe sigurisht këngën”, shkruan Flori Mumajesi.
View this post on Instagram
