Kryeministri Edi Rama ka prezantuar sot portalin “Mjekë për Shqipërinë”, të cilin e konsideron një instrument për të marrë informacione për punën.
Gjatë fjalës së tij, Rama mori shembull konkursin e infermierëve, ku theksoi se janë punësuar 1400, duke i dhënë fund ndikimit nga ana e partive politike. Sipas tij, deri përpara pak vitesh, listën për punësimin e infermierëve e realizonin partitë politike.
Gjithashtu, Rama foli dhe për punësimin e studentëve ekselentë në administratë, për të cilët tha se: “Djali apo vajza e babit me lekë nuk e kalon dot atë që e ka babin çoban. Nëse djali apo vajza e çobanit ka me shumë avantazh në shifra janë të pakalueshmen.”
Sa i përket mjekëve specialistë që pranojnë të punojnë në një spital jashtë Tiranës, kryeministri deklaroi se: “Nga janari i 2018 kemi punësuar 480 mjekë, nga të cilët 235 janë specialistë të spitaleve. Ka pasur mungesa të specialisteve në spitalet jashtë Tiranës, sepse u mbyllën konkurset e specializimit për katër vjet. Pas bllokimit për 4 vjet, ka filluar numri i shërbimeve të munguara në spitalet bashkiake.
“Ka një bonos mbi pagën për mjekët specialistë që pranojnë të shkojnë në një spital jashtë Tirane, është 2.5 milion lekë të vjetra. Dhe marrin një rrogë që, po të heqim taksat, është më e madhe se në Gjermani. Në xhep do ju mbeten më shumë se çdo ju mbetej në Gjermani, në muaj.”
