Pas protestës që ndodhi mbrëmjen e djeshme, e që mori vemendjen edhe të mediave botërore, kryeministri Rama ka vendosur që të japë qëndrimin e tij për çfarë ndodhi. Ai njofton me anë të një postimi në Twitter se në orën 18:00 do të ndaj me të gjithë shqiptarët qëndrimin e tij lidhur me ngjarjen tragjike, ku një efektiv i policisë i mori jetën 25 vjeçarit, Klodjan Rasha.
Siç duket, kryeministri Rama ka mbërritur në Tiranë, ndërsa ka qënë në një udhëtim në SHBA, ku ishte në bisedime për vaksinën ndaj koronavirusit vdekjeprurës.
“Më në fund në Tiranë! Sot në 18.00 do të ndaj me shqiptarët qëndrimin tim për vdekjen tragjike të 25 vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo fb”, shkruan kreu i qeverisë.
Më në fund në Tiranë! Sot në 18.00 do të ndaj me shqiptarët qëndrimin tim për vdekjen tragjike të 25 vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo fb?
— Edi Rama (@ediramaal) December 10, 2020
Efektivi i policisë së Shqiponjave, Nevaldo Hajdaraj, ekzekutoi me armën e shërbimit Klodjan Rashën në Tiranë. Ekzekutimi shkaktoi zemërim dhe protesta anembanë Shqipërisë.
