Kryeministri Edi Rama, ka deklaruar në një intervistë për median spanjolle “El Pais” se Shqipëria shkon në Samitin në Slloveni, pa pritshmëri të larta. “El Pais” shkruan se Rama është shprehur se Shqipëria dhe qeveria e tij ka mësuar rrugën e vështirë për të mos pritur asgjë nga BE, pasi sipas tij, është vërejtur se Evropa nuk është në një moment shumë të mirë.
“Është e vështirë të thuash nëse jeni të lodhur nga udhëtimi, në humor të keq apo thjesht ndiheni keq nga dëgjimi i atyre që ju i quani “fjalë të këndshme”, të cilat nuk shoqërohen me fakte për të ardhmen e vendit në BE”, thotë ai.
“Një çështje që fokusohet në samitin BE-Ballkan Perëndimor të mërkurën në Slloveni dhe nga i cili Rama e pranon thatë se nuk pret “asgjë”. Shqipëria, së bashku me Maqedoninë e Veriut, morën dritën jeshile në mars 2020 për të filluar negociatat e pranimit, por Bullgaria i bllokon ato për shkak të një konflikti dypalësh identiteti me Shkupin, në të cilin Tirana është mbajtur peng.
Në ato pak çaste në të cilat ai buzëqesh, Rama tregon, megjithatë, karizmën që e ka ndihmuar të bëhet kreu i parë i qeverisë muajin e kaluar, që ka marrë tre mandate radhazi, që nga rënia e regjimit komunist në 1991. Për mbështetësit e tij, ai është një udhëheqës socialdemokrat i cili po modernizon – përfshirë një reformë të nevojshme të gjyqësorit – një nga vendet evropiane me varfërinë, korrupsionin dhe krimin e organizuar më të madh, dhe sapo ka formuar një qeveri me më shumë ministre femra në përqindje (70%) në botë. “Unë nuk e kam bërë atë për të përcjellë një mesazh, por për të pasur njerëzit e duhur në vendin e duhur”, thotë ai.
“Ne kemi mësuar rrugën e vështirë për të mos pritur asgjë, sepse kemi parë që Evropa nuk është në një moment shumë të mirë, me shumë probleme të brendshme dhe zgjerimi nuk pritet me entuziazëm”, tha ai për Samitin.
Kjo thuhet ditë pasi presidentja e Komisionit Evropian, Ursula von der Leyen, demonstroi në Tiranë objektivin e saj për zhbllokimin e dialogut këtë vit. “Ne kemi dëgjuar për shumë vite dhe asgjë nuk ka ndryshuar”, përgjigjet ai. “Von der Leyen flet në emër të Komisionit, por Komisioni është një gjë, Këshilli është një tjetër; fjalët e bukura janë një gjë. Faktet, një tjetër … Në këtë proces ka pasur gjithmonë një, dy, tre shtete anëtare që janë kundër. Tani është Bullgaria, kështu që për ne është më mirë të mos presim, sepse kur prisni duhet të ndjeni turpin e refuzimit”, thotë Rama.
