Kryeministri Edi Rama ka publikuar një fotografi nga radhët që mbajnë qytetarët për të bërë vaksinën ndaj covid, duke e krahasuar atë me mitingjet e Partisë Demokratike.
Rama shprehet se ndërsa qeveria vaksinon njerëzit, PD vazhdon që të infektojë masivisht qytetarët e vendit.
Ndër të tjera, ai rendit edhe disa arsyetë cilat qytetarët duhet t’i kenë parasysh për votën që do hedhin më 25 prill.
Postimi i Ramës në rrjetin social, Facebook
Vaksinimi dhe Infektimi vazhdojnë paralelisht, si nje provë kokëfortë e zgjedhjes që duhet të bëni në 25 prill:
- Për shëndetin e popullit e familjes suaj apo për pushtetin e Saliut, Ilirit, Monikës e Lulit;
- Për Rindërtimin e zhdukjen e pasojave të tërmetit apo për një tjetër rrëshqitje tëposhtë të krejt Shqipërisë;
- Për forcimin e shtetit, të drejtësisë e të rregullave të bashkëjetesës mes njerëzish apo për rikthimin e paligjshmërisë, vrazhdësisë e kaosit në qytetet e rrugët tona;
- Për rritjen e ekonomisë e fuqizimin social me punë e me durim apo për rizhytjen në batakun e keqqeverisjes e të rrumpallës antishtet…
*Vaksinimet në Koplik dhe infektimet në mes të Tiranës.
