Kryeministri Rama ka mbledhur pasditen e sotme në selinë e partisë rozë, krerët politik të kësaj force politike në 12 qarqet e vendit. Pas miratimit të kodit të ri zgjedhor, Rama ka ndezur motorët e fushatës elektorale. Ndërsa PD, prej javësh ka filluar procesin e përzgjedhjes së deputetëve nëpër qarqe, në bazë të votimit të vetë demokratëve.
Burime nga selia rozë bëjnë me dije se me ta do të flitet lidhur me Asamblenë Kombëtare që do të zhvillohet ditën e premte te Amfiteatri i Tiranës, ku do të diskutohet angazhimi politik i strukturave në zgjedhje. Më herët Rama është shprehur se ka pakënaqësi me punët brenda partisë.
