Kryesore

Rama mohon akuzat e ‘Bild’, tregon nga kush është shkruar artikulli

               Publikuar në : 21:47 - 16/05/19 M. S

Kryeministri Rama ka mohuar akuzat e gazetës ‘Bild’, që e cilësoi si gangster dhe të përfshirë në dosjen ‘184’ në blerjen e votave në Dibër. Në kundërpërgjigje të këtyre zërave, ai shigjetoi dy persona përgjegjës. I ftuar në emisionin ‘Opinion’, kryeministri Rama deklaroi se artikulli është shkruar nga Ylli Manjani, dhe gazetari Basir Çollaku.

“Bildi është një tabloid. Nuk kam asgjë për të thënë. E ka shkruar Ylli Manjani dhe Basir Çollaku. Këta të dy janë furnizuesit dhe autorët e këtij shkrimi. Unë po përgjigjem dhe po të them që ‘Bildi’ ka bërë një publikim bazuar në këto burime. Njeri është i TV Shijakut, dhe tjetri i ‘filxhanit”, tha ai.

“Ju më kërkoni të kujtojë fjali specifike, nuk mund ta kujtojë, ajo që kurrë nuk ka ndodhur që unë të merrem me këto pisllëqe që kanë marrë përsipër ti pastrojnë ata që janë shkaku kryesor i krijimit të këtij pisllëku në Shqipëri. Për asnjë arsye në botë që të përballem me çdo lloj ballafaqimi dhe hetimi”, shtoi ai.

Kthehu
WhatsApp Denonco ne TT