Nga Pogradeci, ish-deputeti i PD-së, Klevis Balliu, i doli në mbështetje Metës duke iu rikujtuar shqiptarëve për të protestuar në 2 mars, me qëllim mbrojtjen e Kushtetutës. Edhe një herë tjetër ai ripërsëriti kërkesën për largimin e kryeministrit Edi Rama, pasi sipas tij, ka detyruar shqiptarët të braktisin vendin.
“Duhet larguar KoramaVirus, sepse ka vrarë shumë shqiptarë, ka detyruar shqiptarët të braktisin vendin. Ata po vjedhin Kushtetutën, ata po mbajnë pushtetin me dhunë, po u vjedhin shqiptarëve shtëpitë. Ata duan të legjitimojnë 30 qershorin. Rama me poture po shkel qytetarët shqiptarë. Ata nuk do i rezistojnë dot fuqisë së sovranit”.
Në vazhdën e denoncimeve, Balliu tha se Parlamenti mbron vetëm oligarkët e banditët. “Ai parlament mbron vetëm oligarkët, banditët, s’ka lidhje me kushtetutën, shtetin dhe askënd. Ndaj më 2 mars, shqiptarët do bashkohen për të rrëzuar këtë qeveri dhe për të vendosur fatin e tij. Presidentit nuk ia kërkon Ilir Meta 2 marsin, por kushtetuta dhe ai po zbaton kushtetutën që e urdhëron”.
