Kryeministri Edi Rama deklaron se nuk beson në efektin “çudibërës” të listave të hapura.
Gjatë fjalës së tij në Kuvend, Rama tha se listat e hapura e ndërlikojnë në mënyrë të qenësishme procesin e administrimit të votës.
Sipas kreut të qeverisë, listat e mbyllura shihen si katastrofa dhe mistere të të gjitha të këqijave, teksa shtoi se në lidhje me këtë çështje duhet bërë një diskutim.
“Ne sot jemi në një proces dhe mendoj që ju zonja Hajdari patjetër edhe kolegut tuaj Murrizit që një reflektim ta bëni për faktin që ne e kemi respektuar, jo vetëm me fjalë, por edhe me të gjithë rregullat dhe zakonet e këtij Kuvendi. Do thoni ju që nuk kishit ç’të bënit?! Mbase sepse nuk i kemi votat. Ne jemi pala që e kemi në vetëdijen tonë të bëjmë më shumë koncesione, në këtë rast koncesione politike, të vazhdojmë të bëjmë diskutime për listat e hapura. Unë nuk besoj në efektin e tyre çudibërës, por ato e ndërlikojnë në mënyrë të qenësishme procesin e administrimit të votës sepse jeni të gjithë dëshmitar… Më e pakta që mund të thuhet është nuk është e lehtë. Listat e mbyllura shihen si kasaforta dhe mistere të të gjithë të këqijave ashtu sikundër mendohet dhe e kundërta. Por e vërteta është që publiku e ka këtë ndjeshmëri shumë të lartë. Besoj që në këtë fazë na takon ta bëjmë një diskutim, arrijmë apo jo një proces këtë do e shohim”, tha ai.
