Rama largon Cakajn, i kalon stafetën Olta Xhaçkës për Ministrinë e Jashtme

Teksa na ndajnë pak muaj nga zgjedhjet parlamentare, kryeministri Edi Rama ka bërë disa ndryshime të rëndësishme në qeveri.

Nga sot, Niko Peleshi do të drejtojë Ministrinë e Mbrojtjes, e ndërsa Olta Xhaçka do të drejtojë Ministrinë për Europën dhe Punët e Jashtme. Vendimi në fjalë është publikuar nga ana e kryeminsitrit Rama.

“Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes. Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme”, njofton Rama.