Kryeministri Edi Rama ka reaguar sërish për deklaratën e Ministrit serb të Mbrojtjes, Aleksandër Vulin, i cili akuzoi kreun e qeverisë se po punon për krijimin e Shqipërisë së Madhe.
Ai tha se është neveritur nga deklarata e Vulin, dhe se e etiketoi atë si gojë shthurur dhe të errët.
”Jam neveritur dje kur kam parë që deklarata e tij nuk ishte meme, sepse mendova në fillim se ishte meme. Thashë,se anëtari i qeverisë së një vendi që po përpiqemi të rregullojmë, të jetë një gojë kaq e shthurur dhe një gojë e errët. Ka vetëm diçka të mirë kjo. Pensionisët shqiptarë në Prishtinë më akuzojnë për krijimin e Serbisë së Madhe, ndërsa serbët më akuzojnë për krijimin e Shqipërisë së Madhe’’, tha kryeministri.
Rama tha se presidenti serb Aleksandër Vuçiç, duhet të shprehet për ministrin e tij.
Sipas Ramës, Serbia nuk mund të hapë gojë për arritjet e Shqipërisë me Kosovën.
”Vuçiç të shprehet për këtë deklaratë, është ministri i tij. Serbia nuk mund të hapë gojë për arritjet tona me Kosovën për minishengenin rajonal. Qytetarët do lëvizin mes shteteve pa pasur nevojë të ndalojnë fare. Shengeni rajonal e heq kufirin me të gjitha shtetet në rajon, përfshirë dhe Serbinë’’, u shpreh Rama.
