Kryeministri Edi Rama i’u përgjigj deklaratës së presidentit Ilir Meta, i cili tha sot ai që ngre dorën për të prekur 5 qershorin, ngre dorën kundër integrimit Evropian të Shqipërisë.
Gjatë fjalës në Kuvend ku pritet të votohen ndryshimet kushtetuese, kreu i qeverisë tha Meta nuk ka kapacitet mendor e moral të përmbahet kur vjen një përfaqësues i huaj, (Presidenti priti sot homologun boshnjak, Shefik Xhaferoviç).
Sipas tij, Meta flet me një gjuhë që i shkon viktimave të OFL-së.
Edi Rama: ”Shembullin më negativ sot e jep Presidenti, që nuk ka kapacitetin moral dhe mendor që të përmbahet të paktën kur ka një përfaqësues të huaj në krah. Këtë nuk e ka bërë as Saliu. Ilir Meta që del e flet në emër të Kushtetutës e Shqiptarëve me një gjuhë që mbase i shkon viktimave të OFL-së por jo deputetëve socialistë. Nga kush, si në çfarë mënyrë, apo me ato armët që do të rrëmbeheshin në 2017. Unë nuk jam në PS për të shqyer partitë e vogla. Partitë e vogla janë grupe shantazhierësh, grupe interesi që krijohen “Kap ça të kapësh”, kanë shqyer më shumë se PS e PD plaçkën shtet.Partitë e vogla janë parti pengmarrësish që vijnë në parlament për të kapur një ministri për ta bërë degë thesari të atij që ka vulën kjo është e vërteta.’’
