Presidenti Ilir Meta i’u është përgjigjur deklaratave të kryeministrit Edi Rama, të bëra sot në seancën plenare në Kuvend.
Meta i bën thirrje Ramës që të mos vërë dorë mbi marrëveshjen e 5 qershorit.
Sipas tij, Shqipëria kurrë s’ka njohur trafikant më të papërgjegjshëm se sa kreu i qeverisë.
Meta u shpreh se nëse Rama do e prekë 5 qershorin, ai do jetë në çdo shesh të vendit.
Postimi i Presidentit Rama në Facebook
Mister 1 Prilli, ti gënjen edhe kur s’e hap gojën.
MOS GUXO të vesh dorë mbi Marrëveshjen e 5 Qershorit!
Shqipëria kurrë s’ka njohur trafikant më të papërgjegjshëm se sa ti, peng i bandave dhe armiqve të Shqipërisë.
Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti.
Nëse ndonjë mik i huaj të është ankuar për mua, kërkoji leje se e publikoj unë se çfarë i kam thënë, që ta dëgjojë mbarë bota se për ç’miq bëhet fjala.
