Familjet e prekura nga tërmeti i 26 nëntorit, do të mund t’i rikthehen normalitetit! Në një kohë rekord, plani rindërtimit ka bërë që çdo familje e dëmtuar prej tërmetit, të rikthehen në banesat e tyre. Ky vit është i mbarë për familjet e zonës së Vaqarrit, të cilave u janë dëmtuar shtëpitë nga tërmeti i 26 nëntorit.
Një lajm i mirë vjen për 20 familje, të cilët do të strehohen në banesat e tyre të reja, të ngrohta e mjaft komode. Aktualisht po vijon puna për ndërtimin e lagjes më të re në Vaqarr, ku do të strehohen familjet e zonave përreth, shtëpitë e të cilave u shpallën të pabanueshme.
Gjatë një vizite në Vaqarr, themeluesi i “Fundjavës Ndryshe”, Arbër Hajdari, së bashku me kryeministrin Rama, kryebashkiakun Erion Veliaj dhe Ministrin e Shtetit për Rindërtimin, Arben Ahmetaj, inspektuan punimet.
Në total do të ndërtohen 50 banesa, të arreduara deri në dataje. Lagjja e re do të jetë moderne, një rezidencë e vogël buzë rrugës kryesore, ku nuk do të mungojë një qëndër shëndetësore, një shkollë, një kopsht dhe një qendër kulturore e integruar.
Të gjitha apartamentet janë të verifikuara nga “Fundjavë Ndryshe”, për çdo rast abuziv dhe për të mos pasur mbivendosje.
Ja se çfarë shkruante Rama në një postim në Facebook:
Vaqarr, Tiranë -Aty ku një tjetër lagje e re, ndërtuar nga e para për familjet e prekura nga tërmeti, me objekte arsimore, qendër komunitare dhe hapësira të dedikuara për aktivitete sociale dhe rekreative, po merr formën e vet të bukur
***mirënjohje për Arbërin e palodhur, fondacionin #FundjavëNdryshe dhe të gjithë ata, që bashkë me ne vijonë çdo ditë punën, për të shëruar deri në fund çdo plagë e fshirë çdo gjurmë të katastrofës së 26 nëntorit tragjik
