Kryeministri Edi Rama ka folur së fundmi për koronavirusin, teksa u bëri thirrje qytetarëve që të mos harxhojnë lekë për maska.
“Mos harxhoni lekë për maska, ato nuk mbrojnë personat nga prekja. Janë të dobishme për të prekurit, për personelin mjekësor. E gjithë histeria për t’u maskuar është thjesht dhe vetëm harxhim i kotë i parave dhe mbushja e arkave për ata që prodhojnë dhe shesin maska”, tha Rama.
Nga foltorja e Kuvendit, Rama deklaroi se s’ka vend për panik, pasi sipas tij vdekshmëria nga koronavirusi ka rënë në 2.3 %.
“Mos u alarmoni nga infodemia, qëndrojuni larg lajmeve dhe informacioneve jozyrtare. Koronavirusi nuk kërcënon të sjellë fundin e botës. Prek më shumë të moshuarit, të sëmurët. Të mbrohemi nga infodemia. T’iu besojmë burimeve zyrtare”, pohoi në vijim kryeministri.
