Kryeministri Edi Rama ka folur lidhur me hetimet e dosjes 339 nga ana e prokurorisë shqiptare.
I ftuar në emisionin “Opinion”, Rama tha se nuk ka hetime të certifikuara nga askush lidhur me këto hetime, por sipas tij rezultojnë përgjime që shkelin sekretin hetimor.
“Jemi në një kontekst tjetër. Është një moment ku unë flas lidhur me kërkesën tonë për të bërë një hetim parlamentar mbi zgjedhjet e vitit 2009.
Nuk ka përgjime të certifikuara nga askush. Ka përgjime të dalë për të cilat në dijeninë time ka hetime për nxjerrje të sekretit hetimor. Nuk ka përgjime të certifikuara por ka përgjime të dala në shkelje të sekretit hetimor.
Thjesht që ka një ndryshim shumë të madh midis të dyjave. Për sa i përket si janë zhvilluar hetimet mund të pyesni prokurorët”, deklaroi Rama.
