Drejtori i Komunikimit në kabinetin e qeverisë, Endri Fuga, është kundërpërgjigjur lidhur me lajmin e postuar më herët nga ish-deputeti i PD, Klevis Balliu, se Rama kishte pësuar një parainfarkt, e për rrjedhojë ndodhej i shtruar në një spital privat.
Fuga sqaron se ky lajm nuk ka asgjë të vërtetë, por është përcjellë nga opozita e cila kërkon që të bëjë zhurmë. Për të, opozita nuk ka vizion dhe as program, ndaj e gjejnë të udhës për të trilluar këto lajme.
Endri Fuga i jep ‘shuplakën’ e radhës, duke iu drejtuar jo vetëm ish-deputetit, që të kontrollojnë në spitale, nëse aty do të gjejnë kryeministrin Rama.
