Ish-kryeministri Sali Berisha u dënua për shpifje nga Gjykata Civile e Tiranës për një postim në “Facebook”, pas padisë së depozituar nga kryeministri Edi Rama.
Ky vendim ka sjellë reagimin e avokatit të njohur Spartak Ngjela.
I ftuar në “Mbrëmje në Abc”, Ngjela theksoi se statusi i publikuar nga Berisha nuk mund të konsiderohet shpifje.
“Jo s’ka shpifje atje. Shpifja do qëllim të posaçëm kundër personalitetit tënd. Shpifja kërkon qëllim të posaçëm kundër individit. Ky ishte lajm politik dhe nuk kishte lidhje me individin.
Këtë se dimë, mund të ketë qenë gjyqtar i paaftë. Shpifje nuk ka njëherë. Lajmi ishte për shpifje. Kjo është shumë e vështirë të prodhohet dhe kërkon qëllim të posaçëm kundër individit dhe jo kundër partisë”, deklaroi Ngjela.
Gjykata e dënoi sot Berishën për shpifje duke e detyruar t’i paguajë Ramës 500 mijë lekë si dhe të publikojë një përgënjeshtrim në faqen e tij, lidhur me një koment, në të cilën bënte përgjegjëse qeverinë për mos-hapjen e negociatave.
