Kryeministri Edi Rama, ka reaguar për herë të parë lidhur me vrasjen e 25-vjeÖarit Klodiian Rasha, dy netë më parë nga një efektiv policie.
Në një prononcim për mediat nga kryeministria, Rama tha se sapo ka mbërritur nga SHBA, shkoi për të ngushëlluar familjen e të ndjerit, teksa bëri me dije se babai i të riut i kërkoi ndrejtësi dhe jo zhurmë politike.
Shefi i qeverisë, deklaroi se efektivi i policisë mori një jetë të pafajshme, por se arma ishte e shtetit, ndaj dhe sipas tij, drejtësia duhet të bëjë punën e saj edhe pse për momentin njerëzit janë të revoltuar.
Edi Rama: ”Sapo kam ardhur në Tiranë, kam shkuar te familja e të ndjerit. Babai i tij më tha, duam drejtësi, jo zhurmë politike. Dua t’i them familjes, shprehjen e ndjesës, dhe ngushëllimet e mia më të ndjera. E kam të qartë se fjalët janë të pafuqishme, përballë kësaj dhimbjeje. Protestat e djeshme ishin brutale dhe të dhunshme.
Efektivi i policisë ka vrarë një njeri në kushte të pashpjegueshme, por arma ishte e shtetit, ndaj dhe i takon shtetit të zbardhë ngjarjen. Autori do hetohet dhe do gjykohet nga organet e drejtësisë. Akti i tij ngjan krejt i pakuptueshëm dhe i paarsyeshëm. Drejtësia kërkon kohën e saj edhe pse jemi të revoltuar.”
